દીન દુ:ખીયા નો તું છે બેલી.....

 

દીન દુ:ખીયા નો તું છે બેલી,તું છે તારણહાર;

...તારા મહિમાનો નહિ પાર

રાજપાટને વૈભવ છોડી,છોડી દીધો સંસાર;

...તારા મહિમાનો નહિ પાર

ચંડકોશીયો ડસીયો જ્યારે, દૂધની ધારા પગથી નીકળે;

વિષને બદલે દૂધ જોઇને,ચંડકોશિયો આવ્યો શરણે;

ચંડકોશીયા ને તે તારી,કીધો ઘણો ઉપકાર.

...તારા મહિમા નો નહિ પાર(૨)

કાનમાં ખીલા ઠોકયા જ્યારે,થઇ વેદના પ્રભુને ભારે;

તોય પ્રભુજી શાંત વિચારે,ગોવાળનો નહિ વાંક લગારે;

ક્ષમા આપીને તે જીવોને,તારી દીધો સંસાર.

...તારા મહિમાનો નહિ પાર(૨)

મહાવીર મહાવીર ગૌતમ પુકારે,આંખેથી અશ્રુની ધાર વહાવે;

કયાં ગયા એકલા છોડી મુજને,હવે નથી કોઇ જગમાં મારે;

પશ્ર્ચાતાપ કરતાં કરતાં,ઉપન્યું કેવલજ્ઞાન.

....તારા મહિમાનો નહિ પાર (૨)

'જ્ઞાનવિમલ'ગુરુ વયણે આજે,ગુણ તમારા ગાવા કાજે;

થઇ સુકાની તુ પ્રભુ આવે,ભવજલ નૈયા પાર તરાવે;

અરજ અમારી દિલમાં ધારી,કરીએ વંદન વારંવાર.

...તારા મહિમાનો નહિ પાર (૨)

દીન દુ:ખીયા નો તું છે બેલી.....

BEST REGARDS:- ASHOK SHAH & EKTA SHAH
LIKE & COMMENT - https://jintirthdarshan.blogspot.com/
THANKS FOR VISITING.